یہ تجارتی فرق بنیادی طور پر چین، بھارت اور بنگلہ دیش سے درآمدات میں اضافے کی وجہ سے بڑھا۔ چین سے درآمدات میں سب سے زیادہ اضافہ ریکارڈ ہوا، جبکہ پاکستان کی چین کو برآمدات میں کمی آئی۔

گزشتہ سال کے برعکس، افغانستان، بنگلہ دیش اور سری لنکا کو برآمدات میں غیر معمولی اضافہ ہوا۔ یہ اضافہ چین کو برآمدات میں کمی کو بڑی حد تک متوازن کر رہا ہے۔

مالی سال 24 میں، ان ممالک کے ساتھ تجارتی خسارہ 9.506 ارب ڈالر تھا، جو گزشتہ سال کے 6.382 ارب ڈالر سے 49 فیصد بڑھا۔

پاکستان کی افغانستان، بنگلہ دیش اور سری لنکا کو برآمدات میں جولائی تا دسمبر میں معمولی اضافہ دیکھنے کو ملا۔ اس کے باوجود، دیگر ممالک، خاص طور پر چین کو برآمدات میں کمی آتی رہی۔

پاکستان کی کل برآمدات مالی سال 25 کے پہلے نصف میں 10.52 اضافے کے ساتھ 16.56 ارب ڈالر تک پہنچ گئیں، جو گزشتہ سال کے اسی عرصے میں 14.98 ارب ڈالر رہیں۔ پاکستان کا خطے کے ممالک کو کل برآمدات میں حصہ صرف 14.51 فیصد کے قریب ہے۔ اس کے برعکس، درآمدات 29.97 فیصد بڑھ کر 7.732 ارب ڈالر ہوگئیں، جو گزشتہ سال کے اسی عرصے میں 5.949 ارب ڈالر تھیں۔

مزید تجزیے سے پتا چلا کہ چین سے درآمدات 30.42 فیصد بڑھ کر 7.541 ارب ڈالر ہوگئیں، جو گزشتہ سال کے اسی عرصے میں 5.782 ارب ڈالر تھیں۔