سینئر صحافی نصرت جاوید نے ٹی وی ٹاک شو میں گفتگو کرتے ہوئے کہا کہ اگر مجھے پیکا  قانون کے تحت پکڑا گیا تو میں نہ تو خود ضمانت دوں گا اور نہ ہی اپنے دفاع کے لیے لڑوں گا کیونکہ یہ کالا قانون ہے۔

انہوں نے کہا کہ اس جرم میں تمام سیاسی جماعتیں شامل ہیں، کیونکہ ہم تمام سیاستدانوں کو بھگت رہے ہیں، یہ تمام سیاستدان اندر سےہم صحافیوں سے نفرت کرتے ہیں، یہ جاگیردارانہ مزاج رکھتے ہیں، انہوں نے کہا کہ مجھے پورا یقین ہے بے نظیر کی روح بھٹک رہی ہوگی، پیپلزپارٹی کے رہنما وہاں موجود تھے ، بعد میں کہنے لگے سزائیں تھوڑی زیادہ ہیں لیکن پھر منظور کروا لیں۔

نصرت جاوید کا کہنا تھا کہ آپ سیدھا سیدھا یہ کہہ دیں کہ ہم نے پورے میڈیا کو پی ٹی وی کے چھوٹے چھوٹے ہم اثر جڑوا ںبچے بنانا ہے، یہ اصل میں میڈیا انڈسٹری کا گلا گھونٹنے کا ارادہ ہے۔

“قسم کھا کر کہتا ہوں اگر میں اس قانون کے ساتھ پکڑا گیا تو ضمانت نہیں کراؤں گا۔۔” تجزیہ کار نصرت جاوید جذباتی ہوگئے#ARYNews #Khabar pic.twitter.com/f7waxPYLCy

— ARY NEWS (@ARYNEWSOFFICIAL) January 23, 2025

مظہر عباس نے گفتگو کرتے ہوئے کہ یہ میڈیا کے لئے نیشنل اکاؤنٹیبلٹی بیورو بنایا جا رہا ہے، میں ہمیشہ سے کہتا ہوں اس ملک میں منسٹری آف انفارمیشن دراصل منسٹری آف ڈس انفارمیشن ہے، ڈس انفارمیشن اور کرپشن کا سب سے بڑا ذریعہ یہی منسٹری ہے، اب مسئلہ یہ ہے کہ اگر میں کہوں آٹھ فروری کی حکومت جعلی ہے اور کیا یہ فیک نیوز ہوگی ؟ محمد مالک نے کہا کہ اگر میں کہتا ہوں معیشت کی حالت ایسی ہے کہ ڈالر تین سو روپے کا ہو جائے گا تو کیا اس پہ بھی یہ قانون لاگو ہوگا ؟

“میں کہوں کہ 8 فروری کو بننے والی حکومت جعلی ہے تو کیا یہ جعلی خبر ہوگی۔۔۔” پیکا ایکٹ۔۔۔ مظہر عباس اور نصرت جاوید برس پڑے#ARYNews #Khabar pic.twitter.com/K8YLv6GZXD

— ARY NEWS (@ARYNEWSOFFICIAL) January 23, 2025